Kha Ndivhuho Maremba A si kale lwendo no ṱanga Nga ḽaṋu ḓuvha ḽa vhusumbe Lambamai gidimbili-fumiṱahe Yaṋu thavha yo swielela "BONO" Ṋala dzitshi ranga U phopha biko Nitshi sanda u vhandalala sa funguvhu Ḽi tshi ḽa vhufa ha tombo Irani Nṋe thidziambi Ndi talatadze Tshirendo Ndi khoḓe lwanu lwendo Nga vese i shayaho tsatsaladzo Yo kamaho lufuno-funo Ndiḓo kundwa ngani u ni ṋea? Mbilu yaṋu miṱodzi itshi shuluwela Thambulovhuthihi Vhukoni na vhumatshelo Ndi ḓovha ndina tshiṱuhu Tsha ṋowa ya mbeḓa.. Arali Ndasa bula uri ni Phangami Ya Nyaluwo ya maipfi Maipfi a ungelaho muzika wa Venḓa Ni muputi wa mavili Kha dandetande ḽi Hohedzaho vho-ramuzika Ndivhuho Maremba Naho vhomutanda nga U we Ri wane makwati vho kama Rine ri ṋea dzindivhuwo vhaha Maremba Vhori fhaṱutshedza nga Zhinda Ḽi sandaho vhulambatai Gona fhasi ro ṱoka iwe Maremba Mukalanga muthu a bvaho sambani Sambani ḽa maḽisambilu khanani Fhalalani ḽa ha Maremba Nga alamise tshanḓa Ṅwali Mihumbulo isi unge fhedzi Sa madzivha a mahovhohovho Nyito adzi tshatshame sa malelega Mishumo i bvume sa Mutsindo wa mudzinginyo.. Wo dalela khuḓa ṅṋa dzaḽo Hufha kha iwe mahonḓo Manzhi Asa bwi mulindi Ndanamidwa Zwivhuya..... Dzau Kanda O Fara Nḓila Ndi Nnthihi Vhuyoni Nga Alamise Tshanḓa Nangoho Ṅwali Vhubvoni Nisi Sedze Ngauri Thambulo Yaho I Mbumburisa Zwiḓaho Nahone vhuyo ho sendela Ḽaṋu BONO ḽi songo Anza vhuhwarahwara Ngaḽi dalafhale sa maṱari atshi bvuka Lwendo lu lapfe sa funḓwi Ngeletshedzo Kha vho-ramuzika Kha dzi Anze Vhunga Ḽaṋu iṱo Ḽisa Kundwi U Vhona Nga Tshilavhi..