CHECKYHON首张个人专辑《冯仔故事》。 粤语说唱音乐人冯仔， 嚟自广州，嚟自FORGER MUSIC火滚音乐。 【冯仔故事】 一首歌记录低CHECKYHON从2020到2023呢几年同粤语HipHop嘅故事，与同行挚友嘅相遇，感激每一位系呢条路上支持我嘅人！CHECKYHON冯仔，嚟自广州。 【Homemost】 同Homeless唔同，我每一句词，几乎都系系屋企人嘅陪伴之下写出，但我争取紧嘅野同Homeless所争取紧嘅野却又相同。Shout out to Heyo，《花华》系我呢个年代嘅宝丽金。 【陋室】 尽量用最贴地嘅写法，去勾勒出烟火气味当中嘅市井原色。广州市嘅城中村，系蚁穴，系碑林，系染缸，系围城。正如《七十二家房客》主题曲嘅头一句歌词所写：一道屋檐，人生百态。 【广从五路】 从沙太南到从五路，从屋企到八十中，全程33公里，票价4蚊。呢台808承载左我16到18岁之间一次又一次嘅期待，一片又一片嘅迷茫，一个又一个嘅梦想，一段又一段嘅青春。 【都市病人】一个被扯线嘅木偶，一张夜半发冷嘅床被，一场没了灯嘅戏。系呢个都市剧场中，极容易被各种情绪吞噬。如果灯系希望，咁人生就如戏。而无左希望嘅人生，就系都市病人。 【三围台】 三场酒席嚟描述一个人从出生，到结婚，再到死亡。并唔系想将呢首歌嘅主人公写到几惨几惨，而系想同大家讲，时间系越过越快嘅。人，一定要珍惜当下。唔单止人生短暂，而且岁月如梭。 【远方】 好难得先可以揾到一个抒发自我嘅方式，就系做粤语说唱。当我发觉我做呢件事，可以带到能量俾大家嘅时候，我觉得所有嘅汗水都系值得嘅。哪怕到最尾，都仲系一个临记。 【一路上】或者某日放低左音乐，选择另一种安逸嘅生活方式又未尝唔系好事。但我想讲，一路上可能会有好多种选择，但我想要嘅系自由啲，糊涂啲嘅。 【船长】 记得以前返学，老师话过：地理呢本书，斋睇系学唔识嘅。咁希望系未来嘅某一日，我都可以“踏遍”书台上嘅果一本《国家地理》。将山川，将旷野都踩系脚下。将岁月，将尘烟都凝于笔端。 【伙计】 伙计，好吗，过路人。最后一首歌希望可以温暖到大家，我想引用一句歌词嚟表达所有嘢，呢句歌词系出自于一支我十分之喜爱嘅饶舌摇滚乐队组合：我要我要每个人开开心心！ 记住！我写嘅唔单止系故事会，而且系青年文摘。 感激每一位听众！ 感激每一位参与专辑制作嘅朋友！ 封面设计：陈晓宇 后期制作：CccJ *特别鸣谢：刘汉森