སྡེ་གྲོ་བ་ནག་ཚང་རྒྱན་ཆ་ཡིན། ཚིག ། རྨེའུ་བློ་བཟང་ཐུབ་བསྟན། གདངས། རྨེའུ་བློ་བཟང་ཐུབ་བསྟན། དཔལ་མགོན་སྐར་མ་དོན་གྲུབ། གླུ་བ། དཔལ་མགོན་སྐར་མ་དོན་གྲུབ། རྟ་སྒོ་གངས་རི་དབུ་འཕང་མཐོ་ས་ལ།། སྟོད་ཀྱི་ནག་ཚང་གཡང་སྡེ་ཕྱུག་མོ་ཆགས།། རྒྱབ་རི་ཁ་འཛིན་ཆེ་བ་དབང་ཐང་ཡིན།། སྤང་གཞུང་ནོར་གྱིས་གང་བ་བསོད་ནམས་ཡིན།། ༼སྟོད་ནག་ཚང་རི་ལ་རི་མཐུད་རེད།། གངས་རྟ་སྒོ་ནག་ཚང་རྒྱན་ཆ་རེད།།༽ སྡེ་ནག་ཚང་ང་ཡི་ཕ་ཡུལ་རེད། ནག་ཚང་ཚོ་དྲུག་ས་ཡི་ལྟེ་བ་ལ།། ནག་ཚང་གྲོ་བ་བཅུད་ཀྱི་མར་ཁུ་ཆགས།། སྟག་ཤར་རྩལ་དྲུག་འཛོམ་པ་དབང་ཐང་ཡིན།། སྨན་ཤར་གཤིས་མཛངས་ལྡན་པ་བསོད་ནམས་ཡིན། ༼སྟོད་ནག་ཚང་སྡེ་ལ་སྡེ་མཐུད་རེད།། སྡེ་གྲོ་བ་ནག་ཚང་རྒྱན་ཆ་རེད།།༽ སྡེ་གྲོ་བ་ང་ཡི་ཕ་ཡུལ་རེད། བསྐལ་པ་བཟང་པོ་ཤར་བའི་ས་ཆ་ལ།། ཏང་གི་ཡང་དག་དམངས་ཕན་སྲིད་ཇུས་བཟང་།། དམངས་ཀྱི་བློ་སེམས་ཏང་གི་ཕྱོགས་ལ་གཏད།། བློ་སེམས་དམངས་དང་མཐུན་པ་བསོད་ནམས་ཡིན།། ༼དུས་བཟང་པོ་གཅིག་ལ་གཅིག་མཐུད་རེད།། དུས་དེང་སང་བསྐལ་བ་ཇེ་ཡག་རེད།། ༽ བུ་ང་ཚོའི་སེམས་པ་ཇེ་སྐྱིད་རེད།